PAG. v (GoogleBooks)
Incipit: Elegantes
Scribae: [adde nomen]
Status:
Pag. v
Elegantes Ingeniorum, ad Mentis, Morum,
Linguaeque elegantiam, Formatores, salvete!
QVisquis Latinae linguae amore Ianuam Linguarum novissimam, ea diligentia qualem requisivimus, modoque illo quem ostendimus, pertransierit, eum nec circa Res adeo coecum, nec ad Actiones prorsus inertem, nec in Sermone omnino elinguem, fore speramus. Quia tamen Deus Hominem undiqueversus amussitatum, elegantemque, fecit, subserviendum est hac etiam parte Divino consilio, ut in humanitatis studio accuratioribus futuris; plenius etiam Rerum ad invicem rationes, Actionumque nostrarum formae ac normae, cum occultioribus Sermonum artificiis, commonstrentur, eoque ipso ad humanam et divinam sapientiam verius ac plenius intelligendam fores recludantur. Quo fine nos Atrium linguarum construximus: in quo eadem Rerum et Actionum, quasi omnium, historiola quam Ianua linguarum Verbis propriis simplicissime enarraverat, sic iteratur, ut cum Rerum et Actionum artificia, tum et Sermonum Ornamenta, patescant melius. Vbi tametsi (Rerum et Actionum symbolica pertractatione, Sermonisque exornatione) diffundendi sese materia dabatur uberrima, diffundi tamen non libuit. Ideo primum, quia fundamentalem Methodi legem (quae Authores τὸ πᾶν [BETACODE: to\ pa=n] facit, et ad illos viam explanari vult brevem et facilem) violare non libuit: neque Discentium obsistere aviditati, quae in eosdem Authores (rite sibi commendatos) proculdubio immitti, quam circumduci, mavolet. (Naturale est ad desiderii finem cum impetu ferri, ut interdum ipsa quoque media remorae videantur.) Nec denique nostrum fuit omnia Authorum (Phrases, Adagia et c.) exhausta et huc congesta velle:
sed
Comments (0)
You don't have permission to comment on this page.